ஜிடிபி, மோடி, கலைஞர், ஜெயலலிதவும்... பின்ன ஞானும்!!!

ஏம்ப்பா..   இந்த ஜிடிபி, பொருளாதார வளர்ச்சி.. லொட்டு லொசுக்கு, புண்ணாக்கு, கந்தாயம்ன்னெல்லாம் நம்ம மோடியும, அவரது அடிப்பொடிகளும் நாலஞ்சு வருஷமோ போட்டு பின்னி பெடலெடுத்து கத்து கத்துன்னு கத்தி.... ஒலக அளவுள குஜராத்து அவ்ளோ வளர்ச்சியடைஞ்சிருக்குறதா சொல்லிக்கிட்டு இருந்தாங்கள்ல....?

நம்மாளுங்களும் பப்பரக்கான்னு வாய பொளந்துக்கிட்டு அதெயெல்லாம் கேட்டுக்கிட்டு,...

ஆஹா...  பேஷ் பேஷ்..  சூப்பராத்தான்யா சொல்றாரு இந்தாளு. இவனை ஆட்சில ஒக்கார வச்சோம்ன்னா செமையா ஒரு மாற்றம் வரும்யான்னு சொல்ல ஆரம்பிச்சிட்டாங்க. இப்புடி இங்க இருக்குற டிகிரி படிச்சவிங்க எல்லாம் பேச ஆரம்பிச்சோடுன, நம்ம ஊரு படிக்காத ஆளுங்களும், இந்த படிச்ச ஆளுங்க சொன்னா பொய்யா இருக்காதுய்யா....!

நமக்கு ஒன்னும் புரியாட்டியும், அந்தாளு மோடி என்னென்னவோ பேசுறாரு, அத நம்ம படிச்ச பயபுள்ளைங்களும் ஆமோதிக்கிறாய்ங்க... அப்டீன்னா, இந்த ஆளு ஆட்சிக்கு வந்தா ஏதோ மாத்தம் இருக்கும்ன்னு தான்யா தோனுது...

இப்ப இருக்குற மாதிரி நம்ம நாடும் நாட்டு மக்களும் கேவலமா இல்லாம...  இந்தாளு மோடி ஆட்சிக்கு வந்தான்னா, வேளைக்கே போகலன்னாலும் மூனு வேளை சாப்பாட்டுக்கான சாமான் சட்டு எல்லாம் வீடு தேடி ஃப்ரீயாவே வந்துடும் போலருக்குய்யா, பஸ்ஸு, டிரெய்னு எல்லாம் நம்மள ஃப்ரீயாவே ஏத்திட்டுப் போயி எங்க விடுனுமோ அங்க விட்டுடும் போலருக்குய்யா.....,

இப்டீன்னெல்லாம் செமத்தியா கற்பனை செஞ்சிக்கிட்டு கனவு காண ஆரம்பிச்சிட்டாங்க.!

இதுக்கு நடுப்புற, நம்ம ஊர்லேர்ந்து ஒரு அம்மா, டொட்டொடைன்னு..... எண்ட்ரி கொடுக்குது....!   நானும் தான் “மாற்றம்” கொண்டு வருவேன்னு சொல்லிக்கிட்டு வண்டிய கெளப்பிடிச்சி....!!

“மாற்றம்”ன்னா ஹிந்தில “டாஸ்மாக்”ன்னு அர்த்தம் போலருக்குன்னு நம்மாளுங்களும் நெனச்சிக்கிட்டு...  ஆமாமா, நம்ம அம்மா மாதிரி யாராலயும் “மாற்றம்” ....   அதாங்க, “டாஸ்மாக்” கொண்டுட்டு வர முடியாதுன்னு நம்பி...  

இந்தியா முழுக்க டாஸ்மாக்காஆஆஆஆஆஆ... அப்டீன்னு உச்சு கொட்ட ஆரம்பிச்சிட்டாய்ங்க!!

ஸ்ஸ்ஸப்பாஆஆஆஆ....  மிடியல!

இதெல்லாம் பார்த்து நெம்ப கன்பீசன் ஆன நம்மள மாதிரி ரெண்டுங்கெட்டான் பொதுஜனமெல்லாம், என்ன தான்யா நடக்குது இங்க?ன்னு கிளம்பி டேட்டாவ எல்லாம் எடுக்க ஆரம்பிச்சாஆஆஆஆஆஆஆஆஆஆஆ....


இந்த கந்தாயம்...  அதாங்க ஜிடிபி.. ஜிடிபிங்கறாங்களே...  அது பத்து பாய்ண்ட்டுக்கு மேல இருந்தா தான் அந்த மாநிலத்தோட ஆட்சி சூப்பர் ஆட்சியாம்....  (இத நாங்க சொல்லலீங்க... மோடி மஸ்தானுங்க தான் நாலஞ்சு வருஷமா கத்திக்கிட்டிருக்காங்க!)

அப்புடிப் பார்த்தா, 2010 -11 ல....  அதாங்க, நம்ம கலைஞர் ஆட்சி தமிழ்நாட்டுல நடக்குறப்போ....  இங்க அந்த புண்ணாக்கு டிஜிபி.. ச்சீ... ஸாரிங்க... ஜிடிபி 13.14 பாய்ண்ட்டா இருந்திருக்குங்க!!!  அதாவது பத்து பாய்ண்ட்டுக்கு மேல இருந்திருக்கு....

ஆனா அதே பீரியட்ல மோடியோட குஜராத்துல எவ்ளோ தெரியும்ங்களா???   நம்மள விட 3 பாய்ண்ட் கம்மியா அதாவது வெறும் 10 பாய்ண்ட் தாங்க இருந்திருக்கு....!!!

அப்டி பார்த்தா மோடி மஸ்தானுங்க விட்ட அலப்பறைய தாண்டி திமுக காரங்க பலமா சவுண்டு விட்டுருக்கனும். ஆனா நம்ம பயபுள்ளைங்க, “நாங்க நாட்டுக்காக சேவை செய்யறோம், இது எங்க கடமை, இதெல்லாத்தியும் அலப்பறை பண்ணி அரசியல் ஆதாயம் தேடுறது அல்பமான விடயம்ன்னு” சொல்லி அசால்ட்டா இருந்திட்டாங்க!!!

ஓக்கே இதெல்லாம் போவட்டுங்க....!

இப்ப்ப என்னடா நிலைமைன்னு போயி பார்த்தா???   இந்தம்மா ஆட்சிக்கு வந்து மூனு வருஷத்துல இந்த ஜிடிபி அதாங்க தமிழ்நாட்டோட பொருளாதார வளர்ச்சி வெறும் 4.12 பாய்ண்ட்டா குறைஞ்சு போச்சுங்க!!!!

ஏன்யா இப்புடி பண்ணிட்டீங்கன்னு நம்ம நிதியமைச்சர் (அவர்ட்ட தான இது பத்தி கேக்கனும்) பன்னீரு கிட்ட கேட்டா, ஒத்த கையால அந்தம்மாவ சுட்டிக்காட்டி.....   அக்கட ஜருகண்டி, ஜருகண்டிங்கறாருங்க....!

சரின்னு அந்தம்மாட்ட போயி ஏம்மா இப்புடி பண்ணிட்ட தாயீன்னு கேட்டா????

என்ன மேன் கேக்குற நீயி? மாற்றம் வேணும்ன்னு ஒங்க ஆளுங்க தான கேட்டாங்க???

எஸ் மேடம்?

கர்ணாநிதி ஆட்சில ஜிடிபி 13.14 பாய்ண்ட்டுன்னா.. அது வளர்ச்சியா? வீழ்ச்சியா? மேன்...

வளர்ச்சி தான் மேடம்...

அப்ப வளர்ச்சிக்கு “மாற்றம்” என்ன மேன்?

”வீழ்ச்சி” மேடம்...

இப்போ என்ன மேன் நடந்திருக்கு?

13 லேர்ந்து வெறும் 4 ஆ வீழ்ச்சியடைஞ்சிருக்கு மேம்....

அப்ப உங்க ஆளுங்க கேட்ட மாற்றம் நடந்துருக்கா இல்லையா மேன்????


ஙேஏஏஏஏஏஏஏஏஏஏஏஏஏஏஏஏஏஏஏஏஏஏஏஏஏ.....!!!

ஆடி 18

ஆனியிலேயே நாற்றுவிட்டு பறித்து, ஆடி ஆரம்பத்திலேயே நடவு முடித்து பயிர் எல்லாம் மண் பிடித்து வளர ஆரம்பித்தவுடன், விவசாயிகள் எல்லாம் ஒரு வித பெருமூச்சுடன் ஆசுவாசப்படுத்திக்கொள்ளும் நேரம் இது. இந்த நேரத்தில் தான் இரண்டு மாதங்களாக தனது சொந்த குடும்ப வேலைகளை கவனிக்க முடியாமல் இருந்ததை சமன் செய்யும் நிகழ்வுகளையும், இந்த விவசாயத்திற்கு பேருதவியாக இருக்கும் ஆற்றில் வரும் தண்ணீரை பாராட்டி கௌரவித்து நன்றி தெரிவிக்கும் முகமாகவும், ஆடி 18 அன்றைய தினத்தை ஆதி காலம் தொட்டு தமிழர்கள் அனைவரும் அதி முக்கியத்துவம் வாய்ந்த தனது ஆத்மார்த்தமான சொந்த விழாவாக, தத்தமது ஊரின் வழியாக ஓடிக்கொண்டிருக்கும் ஆற்றங்கரைகளில் வைத்துக் கொண்டாடுவார்கள்.

அதன் பொருட்டு, கடந்த வருடம் ஆவணி மாதத்திற்கு பிறகு தங்கள் இல்லங்களில் திருமணம் செய்து வாழ வந்திருக்கும் பறித்த நாற்றாக வந்திருக்கும் நாற்றுப் பெண்ணை (அது தான் இப்பொழுது மறுவி நாட்டுப்பெண் என்றாகிவிட்டிருக்கிறது) தங்கள் இல்லத்தில் நட்டு வைத்து, தங்கள் குலம் தழைக்க வந்த தெய்வமாக போற்றிப் பாதுக்காக வேண்டிய சொந்தப் பெண்ணாக மாற்றி அந்தப் பெண்ணும் இனி இது தான் நம் சொந்த ஊர், சொந்த வீடு என்ற எண்ணத்தோடு முழு அதிகாரம் பெற்றவளாக வலம் வர ஆரம்பிக்க வைக்கும் சடங்குகளும் நிறைவேற்றப்படும்.

அதன் பொருட்டுத் தான், திருமண விழாவின் போது அணிவிக்கப்பட்ட தாலியின் கயிற்றையும், அணிந்திருந்த மாலையையும் ஆற்றில் மரியாதை செய்து விட்டு விட்டு, தாலியோடு இந்த குடும்பத்தின் பாரம்பரிய சொர்ணங்கள் அல்லது செல்வங்களின் அடையாளங்களையும் சேர்த்துப் பெறுக்கி அதையும் புது கயிற்றில் கோர்த்து, இனி இந்தக் குடும்பத்தின் முழு அதிகாரம் பெற்று குலக் கொழுந்து என்று அங்கீகாரம் அளிக்கப்படுகின்றது.

இதை பல இடங்களில் பெண் வீடு இருக்கும் ஊரின் ஆற்றங்கரையில் நிறைவேற்றி சடங்கை முடிப்பதும் வழக்கம்.

அந்த நேரத்திலேயே அனைவரும் ஆற்றுக்கு மாவிளக்கு, காப்பு அரிசி எல்லாம் வைத்து படைத்து நன்றி தெரிவிக்கும் சடங்கும் பெண்களால் மனதார செய்யப்படும். இவை அனைத்தும் முடிந்து வீடு திரும்பிய நிலையில், ஆட்டுக்கிடா வெட்டி சமையல் சாப்பாடும் அமர்க்களப்படும். ஆச்சு அந்த ஒரு நாள் கூத்தோடு முடித்துக் கொண்டு அனைவரும் விவசாயத்திற்கு போய்விட வேண்டியது தான். இதற்கடுத்து சம்பா சாகுபடியும் முடித்து தைப் பொங்கல் கொண்டாட்டங்கள் தான் ஒரு வாரம் நடக்கும்.

இவை இரண்டும் தான் ஆதி காலம் தொட்டு தமிழர்களின் தவிர்க்க முடியாத, தவிர்க்கக் கூடாத தங்கள் வாழ்வு முறை சம்பந்தப்பட்ட இயல்பான விழாவாக இருந்து வந்துள்ளது. எப்பவுமே இந்த ஆடிப்பெருக்கு விழாவுக்கு தமிழக ஆறுகளில் வெள்ளம் கரைபுரண்டோடும்.

ஆனால் கடந்த இரண்டு வருடமாக அது தடைபட்டுப்போயிருக்கிறது. காவிரியின் கடை மடையில் இருக்கும் கடைசி முக்கிய நகரமான மயிலாடுதுறையில் இன்றைக்கு அதாவது ஆடிப்பெருக்கான இன்றைக்கு இப்படித்தான் காவிரி ஆறு வரண்டு கிடக்கிறது.

ஆனால் மக்களை ஏமாற்றம் அடைய வைத்துவிடக்கூடாது என்பதன் பொறுட்டு, திமுகவைச் சேர்ந்த மயிலாடுதுறை நகராட்சி தலைவர் பவானி சீனிவாசன் மற்றும் துணைத்தலைவர் குண்டாமணி என்கிற செல்வராஜ் அவர்களின் முயற்சியினால் கடந்த வருடத்திலிருந்து ஆற்றின் நடுவில் போர் இறக்கி இரவு முழுவதும் ஒரு பள்ளத்தில் (நடு ஆற்றில்) நீர் நிரப்பி மக்கள் வந்து நீராடி கடைமையை நிறைவேற்றவும் ஏமாற்றம் இல்லாமல் இருக்கவும் சிறப்பான வழி வகை ஏற்பாடுகள் செய்யப்பட்டுக்கொண்டிருக்கின்றன.

ஆட்சியில் இருந்தாலும் இல்லாவிட்டாலும் மக்களின் தேவை அறிந்து எப்பவுது தங்களால் இயன்ற அனைத்து வழிகளிலும் சேவையாற்றும் இயக்கமாக திமுக தான் எப்பவுமே இருந்து வந்து கொண்டிருக்கின்றது என்பதற்கு இது ஆகச் சிறந்த உதாரணம்.

மேட்டூர் அணைத் தண்ணீரை எப்படி எந்தந்த நேரத்தில் எவ்வாறு பகிர்ந்தளித்து, நெற்களஞ்சியத்தின் இரு போக விளைச்சலுக்கு உறுதி செய்வதோடு, தமிழக மக்களின் அடிப்படியான வாழ்வாதார நிகழ்வுகளோடு இரண்டரக் கலந்து, அவர்களின் தேவைகளை பூர்த்தி செய்வதில் திராவிட முன்னேற்றக் கழகத்திற்கும் அதன் தலைவர்களுக்கும், தொண்டர்களுக்கும் நிகர் தமிழகத்தில் வேறு எவரும் கிடையாது....! கிடையாது.....!! கிடையவே கிடையாது......!!!

அதனால் தான் சொல்கிறேன் எப்பவுமே.....

கலைஞர் ஆட்சியே நல்லாட்சி