2010 -11 இல் இங்கிருந்த நடுநிலையாளர் எல்லாம் எங்கேய்யா போனாங்க?!

என்ன தான் நடக்குது இங்க நம்ம தமிழ்நாட்டுல? ஆட்சின்னு ஒன்னு நடக்குதா இல்லியா?

கடந்த 2011இல் திமுக ஆட்சியை விட்டு விலகும் போது வெளிச்சந்தையில் வெறும் 62 ரூபாய்க்கும், ரேஷனில் 30 ரூபாய்க்கும் விற்பனை செய்யப்பட்டு வந்த துவரம் பருப்பு,..,

இன்றைக்கு வெளிச்சந்தையில் 220 ஐ கடந்து உயரே சென்று கொண்டிருக்கின்றது. கொடநாட்டிலிருந்து ஜெயலலிதா, தமிழகம் முழுவதும் மாநகரங்களில் மட்டும் வெறும் 91 கடைகளில் 110 ரூபாய்க்கு மலிவு விலையில் 1ஆம் தேதி முதல் துவரம் பருப்பு தமிழக அரசால் விற்பனை செய்யப்படும் என்கிறார்...!!

ஒரு நாள் கூட தமிழர்களின் உணவு வகைகளில் துவரம் பருப்பு, உளுத்தம் பருப்பு, பயித்தம் பருப்பு, கடலை பருப்பு போன்றவற்றை தவிர்த்து சமைக்கவே முடியாது. என்கிற நிலையில்....

இவ்வகைப் பொருட்களின் விலை திமுக ஆட்சிக்காலத்தில் இருந்ததை விட 200 லிருந்து 300 சதவிகிதம் வரை கூடியிருக்கின்றது என்றால் என்ன அர்த்தம்?????

இதை எந்த ஒரு ஊடகமாவது தட்டிக்கேட்டிருக்கின்றதா? அல்லது விவாதப் பொருளாக்கி அரசை உடனடியாக இந்த விலை உயர்வை கட்டுப்படுத்தும் படி நெருக்கடி கொடுத்திருக்கின்றதா?

இந்த ஆட்சி வந்ததில் இருந்து, நடுத்தர மக்களின் மாத பட்ஜெட்டில் மிகப்பெரிய அளவில் ஜமுக்காளமே விழுந்திருக்கின்றது.

திமுக ஆட்சிக்காலத்தில் ஒரு குடும்பத்தின் பேருந்து கட்டணத்திற்காக மாதச் செலவு 300 ரூபாயாக இருந்தால் அது ஜெயலலிதாவின் புண்ணியத்தில் 660 ரூபாயாக உயர்ந்துள்ளது.

திமுக ஆட்சிக் காலத்தில் ஒரு குடும்பத்தின் பால் செலவு 600 ரூபாயாக இருந்தால், அது ஜெயலலிதாவின் புண்ணியத்தில் 1500 ரூபாயாக உயர்ந்துவிட்டது.

திமுக ஆட்சிக் காலத்தில் ஒரு குடும்பத்தின் மின் கட்டணம் 600 ரூபாயாக இருந்தால் அது ஜெயலலிதாவின் புண்ணியத்தில்2000 ஐ கடந்திருக்கின்றது.

இவை அனைத்துமே தமிழகத்தில் உள்ள ஒரு கீழ் நடுத்தர வர்க்கத்து குடும்பத்தின் மாதா மாதம் தவிர்க்க முடியாத அதிகரிக்கப்பட்ட செலவுகள்... அதாவது இப்படியான ஒரு குடும்பத்தின் மாதச் செலவில் கிட்டத்தட்ட 3000 அதாவது மூவாயிரம் ரூபாயை ஜெயலலிதா ஆட்சிக்கு வந்ததில் இருந்து ஒவ்வொரு கீழ் நடுத்தர குடும்பமும் மொய் வைத்துக்கொண்டிருக்கின்றது.

இந்த நிலையில் தான் தற்பொழுதையை இந்த அத்தியாவசிய உணவுப் பொருட்களின் விலை உயர்வு. அரசின் அலட்சியத்தால் அல்லது ஏதோ ஒரு வகையில் கமிஷன், கிமிஷன் என்ற தவறுகளால் இப்படி திடீரென உயர்ந்திருக்கும் இந்த விலையேற்றம் வரும் தீபாவளிக்கு ஒவ்வொரு தமிழக குடும்பத்திற்கும், கூடுதலாக 1500 லிருந்து 10000 ரூபாய் வரை சூடு வைக்க்கும் என்பது சாதாரண கூட்டல் கழித்தல் கணக்கு தெரிந்தவர்களுக்கே புரியும்.

ஆக மொத்தம் அதிமுக ஆட்சிக்கு வந்ததில் இருந்து, இது நாள் வரை ஒவ்வொரு தமிழக குடும்பமும் சராசரியாக மாதத்திற்கு மூவாயிரம் ரூபாய் என்றால் வருடத்திற்கு 36 ஆயிரம் ரூபாயும், நான்கு வருடத்தில் கிட்டத்தட்ட ஒன்னரை லட்ச ரூபாயும், ஜெயலலிதாவின் நிர்வாக சீர்கேட்டால் கூடுதலாக செலவு செய்து விட்டது.

இதில் சொந்தமாக இந்த நான்கரை ஆண்டுகளில் வீடு கட்டியவர்களின் நிலை அதைவிட பரிதாபம். சிமெண்ட் மற்றும் மணல் விலை மட்டுமே திமுக ஆட்சியில் இருந்ததை விட 100 சதவிகிதம் விலை உயர்த்தப்பட்டிருக்கின்றது.

இதை ஏதோ திமுக ஆதரவாளின் பதிவாக கருதாமல், உழைத்து சம்பாதித்து, பட்ஜெட் போட்டு நேர்மையக வாழும் ஒரு தமிழக குடும்பத் தலைவர் தன் மனைவியுடன் அமைதியாக உட்கார்ந்து கணக்கெழுதிப் பார்த்தாலே தெளிவாகப் புரியும்.

ஏன் வர வேண்டும் திமுக ஆட்சி என்ற காரணம் தெளிவாகும்...!!

ஏன் வர வேண்டும் திமுக ஆட்சி?! பாகம்-1

ஏன் வர வேண்டும் திமுக ஆட்சி?! 1

கடந்த திமுக ஆட்சியில் நெம்மேலியில் 1000 கோடி ரூபாய் முதலீட்டில் கடல்நீரை குடிநீராக்கும் திட்டம் கொண்டுவரப்பட்டு, அதன் மூலம் இன்றைக்கு பத்து கோடி லிட்டர் தண்ணீர் கிடைக்கச் செய்து, தென் சென்னையில் வசிக்கின்ற 15 லட்சம் பேர் பயன் பெற்று வருகின்றனர்...!!!

இதேப் போன்று ஏதாவது ஒரே ஒரு திட்டம் கடந்த நான்காண்டு அதிமுக ஆட்சியில் நடைபெற்றிருக்கின்றதா???

ஏன் வர வேண்டும் திமுக ஆட்சி?! #2

கடந்த திமுக ஆட்சியில் 7 ஆயிரம் கோடி ரூபாய் கூட்டுறவு கடன்களை ஒரே கையெழுத்தில் தள்ளுபடி செய்ததன் மூலம் 22 இலட்சத்து 40 ஆயிரத்து 739 விவசாயக் குடும்பங்களுக்கு கடனில்லா பெருவாழ்வு வாழும் பேரிண்பத்தைக் கொடுத்தது அவர்கள் தொடர்ந்து விவசாயத்தில் ஈடுபட வைத்தது போன்று....

கடந்த நான்காண்டு அதிமுக ஜெயலலிதா ஆட்சியில் ஒரே ஒரு திட்டமாவது நடந்தேறியிருக்கின்றதா?!

ஏன் வர வேண்டும் திமுக ஆட்சி?! #3

கடந்த திமுக ஆட்சியில் தாமிரபரணி, கருமேனியாறு மற்றும் நம்பியாறு ஆகிய மூன்று நதிகளை இணைத்து நெல்லை மற்றும் தூத்துக்குடி மாவட்டங்களைச் சார்ந்த 125 கிராமங்கள் குடிநீர் மற்றும் பாசன வசதி பெறும் அற்புதமான திட்டத்தை ரூ. 369 கோடியில் தீட்டி, அதன் இரண்டு கட்ட பணிகள் 90 சதவிகிதம் முடிந்த நிலையில்....

வெறும் பத்து சதவிகித பணியை அரசியல் காழ்ப்புணர்ச்சி காரணமாக கடந்த நான்காண்டுகளாக கிடப்பில் போட்டு வைத்திருக்கும்... அதிமுக ஜெயலலிதா ஆட்சியை அதை நிறைவேற்றக் கோரி நெல்லை மாவட்ட விவசாயிகள் கலக்டர் குறை தீர்க்கும் கூட்டங்களில் முறையீடு மேல் முறையீடாக வைத்துக் கொண்டிருக்கின்றார்களே????!!!!

தானாக ஒரு மக்கள் நலத் திட்டத்தைத் தான் கொண்டு வர முடியவில்லை, முந்தைய திமுக ஆட்சியில் கொண்டு வரப்பட்ட ஒரு நல்ல திட்டத்தை இந்த அதிமுக ஆட்சியில் ஒன்றையாவது கொண்டு வர முடிந்ததா????!!!!

ஏன் வர வேண்டும் திமுக ஆட்சி?! #4

மார்ச் 25, 1989 - இது தமிழக பெண்கள் அனைவரும் குறித்து வைத்துக் கொண்டு வருடா வருடம் கொண்டாட வேண்டிய ஒரு திருநாள். அன்றைய தினம் திமுக ஆட்சியில் கலைஞர் கொண்டு வந்த, தந்தையின் சொத்துக்களில் பெண் வாரிசுகளுக்கும் ஆண் வாரிசுகளுக்கு சரிக்கு சமமான முழு உரிமைச் சட்டம் தான், கடந்த கால் நூற்றாண்டுகளாக பெண்களுக்கு புகுந்த விட்டில் ஒரு மதிப்பையும், மரியாதையையும் ஈட்டித்தந்தது. அவர்களுக்கு மனதளவில் தானும் ஆணுக்கு சமமானவள் என்ற எண்ணத்தை உருவாக்கிக் கொடுத்திருக்கின்றது. தந்தைக்கு 300 சதுர அடியில் ஒரு சின்ன குடிசை வீடு இருந்தாலும், அதற்கு பாதி பணத்தை பெண்ணிடம் கொடுத்து விட்டுத் தான், அவளது கைய்ப்பத்தைப் பெற்ற பிறகு தான் ஆண் மகன் அதை அனுபவிக்க முடியும் என்ற நிலை உருவாகி,பெண்களை பொருளாதார ரீதியாக தலை நிமிரச் செய்தது அந்தச் சட்டம்...!!!

பெண்களுக்கு உண்மையாகவே தேவையான முன்னேற்றத்தை அளிக்கக் கூடிய இப்படியொரு... ஒரே ஒரு சட்டத்தையாவது அதிமுக அரசு நிறைவேற்றியிருக்கின்றதா???!!!

ஏன் வர வேண்டும் திமுக ஆட்சி?! #5

உள்ளாட்சி தேர்தலில் பெண்களுக்கு 33 சதவிகித தொகுதிகள் ஒதுக்கீடு, தமிழக அரசு வேலை வாய்ப்புக்களில் 30 சதவிகிதம் பெண்களுக்கு இட ஒதுக்கீடு, ஆரம்ப பள்ளிச்சாலைகளில் பெண்களை மட்டுமே ஆசிரியராக நியமிக்கும் உத்தரவு...! இந்த மூன்றையுமே செய்தது திமுக ஆட்சி தான். இந்த மூன்று முத்தான சட்டங்களும் கடந்த கால் நூற்றாண்டுகளில் பல லட்சக்கணக்கான தமிழக பெண்களை, ஆண்களுக்குச் சமமாக இல்லை, அவர்களை விட தரம் உயர்ந்தவர்களாக நிமிர வைத்திருக்கின்றது. இவர்களை முன்னுதாரணங்களாகக் கொண்டு மற்ற பெண்களும் வேகமாக முன்னேறி வரும் நிலையினையும் தமிழகம் கண்டு வருகிறது. நியாயமாகப் பார்த்தால் ஒவ்வொரு பெண்ணும் இந்த சட்டங்களுக்காகவே திமுகவை முற்றும் முழுதாக ஆதரிக்க வேண்டும்... அதை விடுங்கள்....

இதேப் போன்று, பெண் சமூகத்தின் உண்மையான முன்னேற்றத்திற்கு... ஏதாவது ஒரு... ஒரேயொரு திட்டத்தை அல்லது சட்டத்தையாவது அதிமுக அரசு செய்திருக்கின்றதா?????

மக்கள் முதல்வருக்கு, ஒரு அப்புறாணியின் மனம் திறந்த மடல்..!

மதிப்பிற்குறிய மக்கள் முதல்வர் அவர்களுக்கு.... ஒரு அப்புறானி தமிழக வாக்காளனின் வேண்டுகோள்....!!

மூனறை வருஷத்துக்கு முன்னாடி, ஒரு தேர்தல் வந்திச்சி. அதுக்கு முன்னாடி வரைக்கும் ஆட்சி செஞ்சிக்கிட்டிருந்த ஒருத்தரோட ஆட்சியில விலைவாசி எல்லாம் எக்கச்சக்கமா ஏறிப்போச்சின்னு நீங்க திரும்பத்திரும்பச் சொல்லிக்கிட்டிருந்தீங்க. உங்க கட்சி ஆளுங்களை எல்லாம் விட்டு முக்குக்கு முக்கு போராட்டம் எல்லாம் நடத்துனீங்க. உங்க ஜெயா டீவிய எப்ப திறந்தாலும் இதே பாட்டு தான் பாடிட்டிருந்திச்சி....

எங்க மக்களும் நீங்க சொல்றத எல்லாம் நம்பி... (நாங்க தான் அப்புறானின்னு ஏற்கனவே சொல்லிட்டேனே!) நீங்க ஆட்சிக்கு வந்தா, விலைவாசிய எல்லாம் குறைச்சிடுவீங்க, அதுனால, நாங்களும் மாசாமாசம் இன்னும் கூடுதலா சேமிச்சி சொந்த வீடு கட்டி சந்தோஷமா வாழலாம்ன்னு நினைச்சி உங்களுக்கு ஓட்ட குத்தி ஆட்சியில உக்கார வச்சோம்...!!!

ஆனா நீங்க வந்ததும் வராங்காட்டியுமா, ஒரே மாசத்துல வணிக வரியில ஐயாயிரத்தி ஐநூறு கோடி ஓவாக்கு வரிய ஏத்திப்புட்டீங்க, அதுனால, வீட்டை விட்டு வெளில போயி எந்த கடைல என்ன பொருள் வாங்கினாலும், 5 பர்செண்ட் விலை ஏறிப்போச்சி...!

அப்பாலிக்கா, மின் கட்டணத்தை கிட்டத்தட்ட டபுளா ஏத்துனீங்க. அதுல மாசத்துக்கு ஐநூறுலேர்ந்து ஐயாயிரம் வரைக்கும் ஒவ்வொரு குடும்பத்துக்கும் ஆப்பு விழுந்திச்சி....!!

சரி போவுட்டும்ன்னு சொல்லி, இருக்கச்சே... திடீர்னு பஸ் கட்டணத்தை கிட்டத்தட்ட டபுளா ஏத்திட்டீங்க. அதுனால என்னா ஆச்சுன்னு கேட்டீங்கன்னா.. எங்கூருலேர்ந்து 36 கிமீ தள்ளியுள்ள ஊருல தான் நான் வேல பார்க்குறேன், அதுக்கு பஸ்ஸு டிக்கெட்டு 10 ஓவா அம்பது காசு, நீங்க வெல ஏத்துனதால 20 ஓவாயா மாத்திட்டானுவோ....! அப்பண்டவுனுக்கு 40 ஓவா... ரோசிச்சி பாருங்க நெதத்துக்கு 19 ஓவா எனக்கு தெண்டம். மாசத்துக்கு 500 ரூவா சொளையா போச்சு... ஆத்தா ஒனக்கு ஓட்டுப்போட்ட தெண்டம்... எனக்கு சேமிப்புங்கற ஒரு விஷயத்தையே இல்லாம பண்ணிட்ட தாயி..!!

அதோட வுட்டியா? அடுத்ததா பால் விலைய ஏத்துன... அதுல மாசத்துக்கு மூன்னூறு ஓவா ஆட்டைய போட்டுட்ட...! நீயி ஏத்திப்புட்ட, அதனால நான் டேரக்ட்டா இழந்தது தான் இந்த தொகை எல்லாம். ஆனா, மின்சாரத்துலேர்ந்து போக்குவரத்து வரைக்கும் விலை ஏறுனதால, எல்லா பொருளும் உற்பத்தி அடக்கம் அதிகமாச்சின்னு சொல்லி இன்னும் கூடுதலா ஏத்திப்புட்டானுவோ....!!!

இந்த நேரத்துல தான் அஞ்சு மாசம் முன்னாடி ஒரு தேர்தல் வந்திச்சி. அப்ப உம்மேல கோவமா இருந்த எங்ககிட்ட நீ என்னா சொன்ன? ....போன தபா ஆட்சி செஞ்சவரு நெம்ப தப்புத்தப்பா செஞ்சிட்டாரு, அதெல்லாத்தையும் சரி பண்ணத்தான் வெலவாசிய நான் இம்புட்டு ஏத்த வேண்டீயதா போச்சி. அப்புடி ஏத்துனா தான் இந்த நாட்ட தூக்கி நிப்பாட்ட முடியும், அல்லாங்காட்டி அல்லாரும் கீழ போய்டுவோம்... அது இதுன்னு புலம்புன... அதுக்கப்பறம் வூடா வூட்டுக்கு வந்து 200 ஓவாய உங்காளுங்க கையில திணிச்சிட்டு, இந்த தபா நீங்க மாத்தி ஓட்டு போட்டாலும் மாநிலத்துல எங்கம்மா தான் முதல்வரா தொடருவாங்க, அதோட இப்ப கெலிச்சி செண்ட்ரலுக்கு போனா தான் இந்த பிரச்சினையை எல்லாம் சரி பண்ணி, வெலவாசிய குறைக்க முடியும்... அப்புடி இப்புடின்னெல்லாம் பேசுனாங்க...!!

அப்ப நாங்க கொஞ்சம் ரோசிச்சி பாத்தப்ப, இப்ப ஓட்ட மாத்தி குத்துனாலும், இந்தம்மா தான் இங்க ஆளப்போவுது. இதுக்கு ஓட்டுப்போடாம செண்டரல்ல இதுக்கு பலம் இல்லாம போச்சுன்னா, திரும்பயும் அதயே காரணம் காட்டி வெலைய ஏத்தும்ன்னு முடிவு பண்ணி, உனக்கு எம்பிக்கள் நிறையா கொடுத்தா, அங்க போயி பேசி கீசி, வெலவாசிய குறைப்பியோன்னு ஒரு நப்பாசைல, அப்பவும் உனக்கே ஓட்டப்போட்டோம்....!!!

40க்கு 37 மார்க்கு வாங்கின ஒடனே, உனக்கு மாநில முதல்வர் பதவியை விட உயர்வா மக்கள் முதல்வர்ன்னு ஒரு பதவி கிடைச்சிருக்குறதா, உங்க ஆளுங்களும், டீவியும் சொல்லிக்கிட்டு திரியறாய்ங்க. நீங்க இருந்த எடத்துக்கு ஒரு அட்டு பீஸ நீங்களே வச்சி, உங்க டைரக்‌ஷன் படியே ஆட்சி நடக்குறதா உங்க ஆளுங்களே ஒங்க டீவி பொட்டிய தொறந்தாலே, காது கிழியிற மாதிரி கத்துறாய்ங்க. நடுவால கொஞ்ச நாளு வழக்கமா போற கொடநாட்டுக்கு பதிலா, நீங்க பொறந்த ஊருக்கு பக்கத்துல இருக்குற ஒரு அக்கிரஹாரத்துக்கு போயிட்டு வந்ததா, பெரிய வரவேற்பு எல்லாம் கொடுத்து, அத எல்லா டீவி காரய்ங்களூம் லைவ் ரிலே எல்லாம் போட்டு காமிச்சாய்ங்க!!!

அத்த வுடுங்க..! ஆன இப்ப என்னடான்னா? பழைய குருடி கதவ தெறடிங்கற கதையா..., திரும்பவும் பால் கட்டணத்தை ஏத்திட்டு, அடுத்ததா இப்ப மின் கட்டணத்தையும் ஏத்திட்டீங்க....!! இதுக்கே மாசத்துக்கு இப்ப ஆயிரம் ஓவா எக்ஸ்ட்ரா துண்டு விழுது!! இதுக்கு நடுவுல இப்பத்தான் சில பத்திரிக்கை காரனுங்க, பருப்பு வாங்குறதுல ஊழல், பால் வாங்குறதுல ஊழல், முட்டை வாங்குறதுல ஊழல், எல்லாத்துக்கும் கமிஷன்,.... இதெல்லாம் பத்தாதுன்னு உங்க மினிஸ்டருங்க, ஊருல இருக்குறவன் பொண்டாட்டிய எல்லாம் தள்ளிட்டு போயிடுறான்னு வேற எழுதறாங்க....!!!

இந்த மூனறை வருஷத்துல எங்க பசங்க பல லட்சம் பேரு படிச்சி முடிச்சி, குடும்ப பாரத்தை சுமக்க வந்து நிக்கறாங்க, அவங்களுக்கு எல்லாம் வேலை கொடுக்குற மாதிரி ஒரே ஒரு தொழிற்சாலையை கூட நீங்க ஆரம்பிக்கவே இல்லை. இதுல இருக்குற தொழிற்சாலை எல்லாம் மூடிட்டு வேற மாநிலத்துக்கு ஓடுறான்... ! ஏன் ஓடுறான்? நீங்க ஏன் அவனை எல்லாம் தடுத்து நிப்பாட்ட மாட்டேங்கறீங்கன்னும் புரிய மாட்டேங்குது...!!!

மூனறை வருஷத்துக்கு முன்னாடி அப்பல்லாம் அந்த அப்புறாணி பழைய முதல்வர், துணை முதல்வர் ஆட்சியில வெலவாசியே ஏறாததனால, மாசாமாசம் கொஞ்சம் மிச்சம் புடிச்சி ஒரு அமௌண்ட் சேர்த்து வச்சிருந்தேன். அப்பவே வீடு கட்டலாம்ன்னு நினைச்ச போது, எங்க பக்கத்து வூட்டு மன்னாரு, ஏய்.., முட்டாப்பயலே, இப்ப கட்டாதடா, இந்தம்மா ஆட்சிக்கு வந்துச்சினா எல்லா வெலவாசியையும் இன்னும் குறைக்கப் போறதா சொல்லிக்கிட்டிருக்கு. இது ஆட்சிக்கு வந்தோடுன கட்டினீன்னா... சிமெண்ட்டு, கம்பி, மணலு, ஜல்லி எல்லாம் சல்லிசா கிடைக்கும்டா, இப்ப நீயி கட்டுறத விட மூனு லட்ச ஓவா மிச்சம் புடிக்கலாம்டான்னு சொன்னான்!!!

அவன் பேச்சைக் கேட்டு நானும் வெயிட் பண்ணினேன். இப்ப ஒரு மேஸ்திரிய கூப்பிட்டு, அந்தப் பணத்துக்கு ஆயிரம் சதுர அடியில வீடு கட்டித்தர சொன்னா... அந்தாளு என்னையப் பார்த்து வாயை மூடிக்கிட்டே சிரிச்சிட்டு சொல்றான்.....

......சார் இது என்ன கலைஞர் ஆட்சின்னு நினைச்சீங்களா நீங்க கொடுக்குற பணத்துக்கு ஆயிரம் சதுர அடிக்கு வீடு கட்ட?!! இப்ப நடக்குறது மக்கள் முதல்வர் ஆட்சி சார்... மக்கள் முதல்வர் ஆட்சி...!!! இந்தப் பணத்துக்கு 500 சதுர அடிக்கு வேனா வீடு கட்டித்தர்றேங்கறான்....!!!!

இப்ப சொல்லுங்க மக்கள் முதல்வரே... இதெல்லாம் நியாயமா??? என்னைய மாதிரி அப்புறாணி மக்களை எல்லாம் நம்ப வச்சி கழுத்தறுத்திட்டீங்களே...!! இது நியாயமா??!!!

சொல்லுங்க மக்கள் முதல்வரே... சொல்லுங்க...!!!!!